உன் பார்வை ஒன்றே போதும்.. எந்நாளும் பொன்னாகும்!!

நம்மை இந்த உலகத்திற்கு வழங்கி, நமக்குத் தகுதியான வாழ்க்கையை வழங்குவதற்காக அவரால் முடிந்தவரை பாடுபடுபவர். அந்த ஒரு நபரைக் கொண்டாட ஒரு நாள் போதாது. தாய்மார்கள் உண்மையிலேயே மனிதகுலத்திற்குக் கிடைத்த மிகச் சிறந்த பரிசுகளில் ஒன்றாகும். பெரும்பாலும், அவர்கள் எப்போதுமே தங்கள் குழந்தையின் தேவையை தங்களது தேவையாக தன்னலமின்றி முன் வைப்பார்கள்.
ஆம், உலகெங்கிலும் உள்ள தாய்மார்களுக்கு நன்றி தெரிவிக்க ஒரு நாள் ஒருபோதும் போதுமானதாக இருக்க முடியாது என்றாலும், அன்னையர் தினத்தை அவர்கள் எவ்வளவு சிறப்பு வாய்ந்தவர்களாகவும் அன்பானவர்களாகவும் இருக்கிறார்கள் என்பதை அவர்களுக்கு நினைவுபடுத்தும் வாய்ப்பாக நாம் பயன்படுத்தப்படலாம்.
அன்னையர் தின வரலாறு:
அன்னையர் தின கொண்டாட்டங்கள் பண்டைய கிரேக்கர்கள் மற்றும் ரோமானியர்களிடம் காணப்படுகின்றன, அவர்கள் பெண் தெய்வங்களான ரியா மற்றும் சைபெலின் நினைவாக திருவிழாக்களை நடத்தினர், ஆனால் அன்னையர் தினத்திற்கான தெளிவான முன்மாதிரி இல்லை.ஆரம்பகால கிறிஸ்தவ பண்டிகை “தாய்மை ஞாயிறு” என்று அழைக்கப்பட்டது. ஒவ்வொரு ஆண்டும் மே மாத இரண்டாவது ஞாயிற்றுக்கிழமை இந்தியாவில் அன்னையர் தினமாக கொண்டாடப்படுகிறது, இந்த 2021ஆம் ஆண்டு மே 9 அன்று கொண்டாடப்பட்டது.
ஒரு தாய் என்பவர் மற்ற அனைவருக்கும் இடமளிக்கக்கூடியவர், ஆனால் யாரும் அவருடைய இடத்தைப் பிடிக்க முடியாது. தன் குழந்தை பிறந்த நாளிலிருந்து அவள் கடைசியாக சுவாசிக்கும் நாள் வரை, ஒரு தாய் தன் குழந்தைக்காக மட்டுமே வாழ்கிறாள். குழந்தைக்குத் ரத்தத்தில் இருந்து தாய்ப்பாலை உணவாக்கி உணவளிப்பதில் தொடங்கி, குழந்தையின் முதல் மழலை பேச்சினைக் கேட்பதில் இருந்து, அவர்கள் வளர்ந்து பருவ வயதில் அவர்களுக்கு ஏற்படும் முதல் காதல் முறிவில் இருந்து தேற்றி அவர்களுக்கு வழிகாட்டுவது வரை பிள்ளைகளுக்கு உற்ற தோழமையாய் அன்னை நிமிர்கிறாள். நாம் அழுவதற்கான நிலையான ஆதரவும் தருபவள். நாம் தோழ்விகளால் துவண்டு போகாமல் இருக்க தோள் தருபவள். ஒரு தாயின் கடமை முடிவற்றது. அவளுக்கு எந்த விடுமுறை நாட்களும் இல்லை, ஊதியமும் இல்லை, ஓய்வும் இல்லை (நாம் கையாள்வதற்குக் கடினமான குழந்தைகளாக இருந்திருக்க முடியும் என்பதை நாம் அனைவரும் அறிவோம்), ஆனால் ஒரு தாயின் அன்பை ஒருபோதும் மாற்ற முடியாது, அவளைப் பொறுத்தவரை, நமக்கு ஏழு கழுதை வயதானாலும் அவளுக்கென்னவோ குழந்தையைப் போலவே தோன்றுவோம்! அது என்ன மாயமோ மந்திரமோ தெரியவில்லை.
அன்னையர் தினம் என்பது நம்பமுடியாதளவு தன்னலமற்ற மனிதர்களை கௌவுரவிக்கும் கொண்டாட்டமாகும். வழக்கமாக தாய்மார்கள் தங்கள் கடமைகளிலிருந்து விடுபட்டு இந்த ஒரு நாளை இனிமையாக கொண்டாட குடும்பத்தின் மற்றவர்கள் தங்கள் கடமைகளை ஏற்றுக்கொள்வார்கள். கொரோனா வைரஸ் பொது முடக்கத்தின் மத்தியில் அம்மாக்களின் பணிச்சுமை மும்மடங்காக இருந்திருக்கலாம். நாம் அனைவரும் நமது அடிப்படை தேவைகளை நாமே பார்த்துக் கொண்டால் நமது வேலைகளை நாமே செய்தால் எடுத்த பொருளை எடுத்த இடத்தில் வைத்தால் அதுவே போதும்!

• பிரியங்கா மோகனவேல்