பொதுத் தேர்தர்களில் பெண்களின் பங்களிப்பு, தேர்தலில் போட்டியிடுவது 21ம் நூற்றாண்டிலும் குறைவாகவே உள்ளது. பெண்களுக்கு கட்டாய 33% இடஒதுக்கீடு வேண்டும் என்ற சட்டப் போராட்டம் இன்னும் தொடர்ந்து கொண்டே தான் உள்ளது. வடகிழக்கு மாநிலங்களில் சமீபத்தில் நடந்த சட்டப் பேரவைக்கான தேர்தலில் முதன்முறையாக பெண்களைப் வெற்றிப் பெறச் செய்திருக்கிறார்கள் மக்கள்.
நாகாலாந்து சட்டமன்ற தேர்தலில் முதன் முறையாக 2 பெண்கள் எம்.எல்.ஏ.க்களாக தேர்வு செய்யப்பட்டுள்ளனர். நாகலாந்து மாநில அரசியல் வரலாற்றில் முதன்முறையாக இரு பெண்கள் சட்டமன்ற உறுப்பினர்களாக தேர்வு செய்யப்பட்டுது இதுவே முதன்முறை. தீமாப்பூர்-3 தொகுதியில் போட்டியிட்ட என்டிபிபி வேட்பாளர் ஹக்கானி ஜக்காலு வெற்றி பெற்றார். மேற்கு அங்காமி தொகுதியில் போட்டியிட்ட என்டிபிபி வேட்பாளர் சல்ஹொடியூனோ குரூஸ் வெற்றி பெற்றார்.
