தமிழக சட்டசபையில் இன்று மேகதாது அணை விவகாரம் தொடர்பாக முக்கியமான விவாதங்கள் நடைபெற்றன. இந்த விவாதத்தில் தேமுதிக, பாமக, திமுக உள்ளிட்ட எதிர்க்கட்சித் தலைவர்கள் தங்களது கருத்துகளை பதிவு செய்தனர்.இதற்கிடையில், சட்டமன்றத்தின் அதிகாரப்பூர்வ நேரலை ஒளிபரப்பு திடீரென நிறுத்தப்பட்டதால் அரசியல் வட்டாரத்தில் பரபரப்பு ஏற்பட்டுள்ளது. எதிர்க்கட்சித் தலைவர்களின் உரைகள் முடிந்த சில நிமிடங்களிலேயே நேரலை நிறுத்தப்பட்டதாக தகவல்கள் வெளியாகியுள்ளன.தேர்தல் பிரச்சாரத்தின் போது, தமிழக சட்டசபை நடவடிக்கைகள் எப்போதும் நேரலையாக ஒளிபரப்பப்படும் என்றும், எந்த சூழ்நிலையிலும் அது நிறுத்தப்படாது என்றும் முதலமைச்சர் சி. ஜோசப் விஜய் உறுதியளித்திருந்தார். ஆனால், தற்போது நேரலை திடீரென நிறுத்தப்பட்ட சம்பவம் அந்த வாக்குறுதி குறித்து பல்வேறு கேள்விகளை எழுப்பியுள்ளது.மேகதாது அணைக்கு எதிராக தமிழக அரசு கொண்டு வந்த தனித்தீர்மானம் குறித்து அவையில் பல்வேறு கட்சிகள் தங்களது கருத்துகளை முன்வைத்த நிலையில், நேரலை நிறுத்தப்பட்டதற்கான காரணம் குறித்து அதிகாரப்பூர்வ விளக்கம் இதுவரை வெளியாகவில்லை.இந்த சம்பவம் அரசியல் கட்சிகள், பொதுமக்கள் மற்றும் சமூக வலைதளங்களில் பரவலான விவாதத்தை ஏற்படுத்தியுள்ளது.
