தமிழக முதல்வர் விஜய், ஆந்திரப் பிரதேச முதல்வர் சந்திரபாபு நாயுடுவை விஜயவாடாவில் உள்ள அவரது இல்லத்தில் சந்தித்துப் பேசினார். இந்தச் சந்திப்பில் தமிழ்நாட்டிற்கான கிருஷ்ணா நதி நீர் விநியோகம், சென்னையின் குடிநீர் தேவை மற்றும் கோதாவரி – கிருஷ்ணா – காவிரி நதிகள் இணைப்புத் திட்டம் உள்ளிட்ட முக்கிய விவகாரங்கள் குறித்து ஆலோசிக்கப்பட்டது.தெலுங்கு கங்கைத் திட்டத்தின்படி, சென்னையின் குடிநீர் தேவைக்காக ஆந்திரப் பிரதேசம் ஆண்டுதோறும் 12 டிஎம்சி கிருஷ்ணா நதி நீரைத் தமிழகத்திற்கு வழங்க வேண்டும். ஆனால், 2026 அக்டோபர் 9-ஆம் தேதி நிலவரப்படி, தமிழகத்திற்கு 2.251 டிஎம்சி தண்ணீர் மட்டுமே கிடைத்துள்ளதாகத் தகவல்கள் தெரிவிக்கின்றன. இதனால், தமிழகத்திற்குக் கிடைக்க வேண்டிய நீரை உரிய அளவில் வழங்குவது முக்கிய விவகாரமாக உள்ளது.மேலும், கோதாவரி, கிருஷ்ணா மற்றும் காவிரி நதிகளை இணைப்பதன் மூலம் தண்ணீர் பற்றாக்குறை உள்ள பகுதிகளுக்குத் தண்ணீரைக் கொண்டு செல்வது குறித்தும் ஆலோசிக்கப்பட்டது. ஆந்திர மாநிலத்தில் இருந்து தமிழகத்தை நோக்கிப் பாயும் நதிகளில் புதிய தடுப்பணைகள் கட்டும் திட்டங்கள் தொடர்பான கவலைகளும் பேச்சுவார்த்தையில் இடம்பெறலாம் என எதிர்பார்க்கப்பட்டது.
