சினிமா உலகில் பிரபலமான நட்சத்திரங்கள் சித்தார்த் மற்றும் அதிதி ராவ் திருமணம் இன்று கோலாகலமாக நடைபெற்றது. அவர்களது திருமணத்திற்கு பிரபலங்கள் பலரும் தங்கள் வாழ்த்துக்களை தெரிவித்து வருகிறார்கள். அவர்களின் திருமண புகைப்படம் இணையத்தில் வைரல் ஆகி கொண்டு வருகிறது. கடந்த 2021-ம் ஆண்டு வெளியான ‘மகா சமுத்திரம்’ எனும் திரைப்படத்தில் இணைந்து நடித்த சித்தார்த் மற்றும் அதிதி ராவ் அதன் மூலம் இருவரும் காதலிக்க தொடங்கினர். அனைத்து விதமான பொது விழாக்களிலும் அவர்கள் இருவருமே இணைந்து கலந்து கொண்டு வந்தனர். மேலும் சமூக வலைத்தளங்களில் தங்களது புகைப்படங்களை பகிர்ந்து கொண்டனர், ஆனால் அவர்கள் தங்களது காதலை வெளிப்படையாக எங்கும் அறிவிப்பு செய்யவில்லை. கடந்த மார்ச் மாதத்தில், தெலுங்கானா மாநிலத்தில் உள்ள ஸ்ரீரங்கபுரம், ஸ்ரீ ரங்கநாயக சுவாமி கோயிலில் நெருங்கிய உறவினர் மற்றும் நண்பர்கள் முன்னிலையில் திருமண நிச்சயதார்த்தம் நடைபெற்றது. இந்த நிகழ்வில், இருவரின் குடும்பத்தினரும் கலந்து கொண்டனர், ஆனால் திருமணத்திற்கான தகவல்கள் ஏதும் அதிகாரபூர்வமாக அவர்கள் தரப்பில் இருந்து வெளியிடப்படவில்லை. இதற்கிடையில், சித்தார்த் மற்றும் அதிதி ராவ் திருமணம் இன்று இரண்டு குடும்பங்களின் ஒப்புதலுடன் நடைபெற்றது. இந்த திருமணம் சினிமா ரசிகர்களிடையே பெரும் ஆர்வத்தை ஏற்படுத்தியுள்ளது. இருவரின் காதல் கதை மற்றும் திருமண நிகழ்வுகள் குறித்து பலரும் இணையத்தில் பேசிக்கொண்டிருக்கிறார்கள். சித்தார்த் மற்றும் அதிதி ராவ், தங்களது வாழ்வில் புதிய அத்தியாயத்தை தொடங்கியுள்ளார்கள், ரசிகர்கள் தங்கள் வாழ்த்துகளை தெரிவித்து வருகின்றனர்.
