ஆஸ்திரேலியாவின் விக்டோரியா மாகாணத்தில் உள்ள கிரேட்டர் பெண்டிகோ (Greater Bendigo) நகரத்தின் முதல் இந்திய வம்சாவளி மேயராக அபிஷேக் அவஸ்தி தேர்ந்தெடுக்கப்பட்டுள்ளார். இமாச்சலப் பிரதேசத்தின் மண்டி பகுதியைச் சேர்ந்த இவர், 2008ஆம் ஆண்டு உயர்கல்வி படிப்பதற்காக ஆஸ்திரேலியா சென்றார். அங்கு பயோடெக்னாலஜி மற்றும் பயோஇன்ஃபர்மேட்டிக்ஸ் துறைகளில் படிப்பை முடித்தார். பின்னர் சமூகப் பணிகளில் ஈடுபட்டு, 2024ஆம் ஆண்டு நகராட்சி கவுன்சிலராகத் தேர்ந்தெடுக்கப்பட்டார். தற்போது 2026–27ஆம் ஆண்டுக்கான மேயராகப் பொறுப்பேற்றுள்ளார். இவரது வெற்றி ஆஸ்திரேலியாவில் வாழும் இந்திய வம்சாவளியினரின் அரசியல் பங்களிப்பையும் வளர்ந்து வரும் செல்வாக்கையும் எடுத்துக்காட்டுகிறது.
