தமிழகத்தில் புதிய தொழில் முதலீடுகளை ஈர்ப்பதில் முதலமைச்சர் விஜய் தலைமையிலான அரசு முக்கிய முன்னேற்றத்தை அடைந்துள்ளதாக அறிவித்துள்ளது.கடந்த 2026 மே மாதம் புதிய அரசு பொறுப்பேற்றதிலிருந்து இதுவரை மொத்தம் ₹1.14 லட்சம் கோடி மதிப்பிலான முதலீடுகளுக்காக 112 புரிந்துணர்வு ஒப்பந்தங்கள் (MoUs) கையெழுத்தாகியுள்ளதாக தமிழக அரசு தெரிவித்துள்ளது.இந்த முதலீடுகள் மூலம் சுமார் 1,32,771 பேருக்கு வேலைவாய்ப்பு உருவாக வாய்ப்புள்ளதாகக் கூறப்பட்டுள்ளது.மேலும், கையெழுத்தான 112 ஒப்பந்தங்களில் 83 திட்டங்கள் நிலம் ஒதுக்கீடு உள்ளிட்ட அடுத்தகட்ட நடவடிக்கைகளுக்கு முன்னேறியுள்ளன.இந்த முதலீடுகள் உற்பத்தித் தொழில்கள், தொழிற்சாலைகள் மற்றும் பல்வேறு தொழில் துறைகளின் வளர்ச்சிக்கு உதவும் என எதிர்பார்க்கப்படுகிறது.குறிப்பாக, புதிய தொழிற்சாலைகள் அமைக்கப்படும்போது நேரடி வேலைவாய்ப்புகள் மட்டுமின்றி, போக்குவரத்து, மூலப்பொருட்கள் விநியோகம், கட்டுமானம் மற்றும் சிறு, குறு தொழில்களிலும் கூடுதல் வேலைவாய்ப்புகள் உருவாகலாம்.தமிழகத்தை உலகளாவிய முதலீட்டு மையமாக மாற்றுவதுடன், 2036ஆம் ஆண்டுக்குள் மாநிலத்தின் பொருளாதாரத்தை 1.5 டிரில்லியன் அமெரிக்க டாலர் அளவுக்கு உயர்த்துவதையும் அரசு இலக்காகக் கொண்டுள்ளது.
