நடப்பு ஐபிஎல் தொடரில் ரஜத் பட்டிதார் தலைமையிலான ராயல் சாலஞ்சர்ஸ் பெங்களூரு (ஆர்சிபி) அணி சிறப்பான ஆட்டத்தை வெளிப்படுத்தி முதல் அணியாக இறுதிப் போட்டிக்கு முன்னேறியுள்ளது. தரம்சாலாவில் நடைபெற்ற முதல் குவாலிஃபையர் போட்டியில் குஜராத் டைட்டன்ஸ் அணியை 92 ரன்கள் வித்தியாசத்தில் வீழ்த்தி ஆர்சிபி ரசிகர்களை உற்சாகத்தில் ஆழ்த்தியது.இந்த வெற்றியின் மூலம் ஆர்சிபி அணி ஐபிஎல் வரலாற்றில் 5வது முறையாக இறுதிப் போட்டிக்கு தகுதி பெற்றுள்ளது. இதற்கு முன்பு பல முறை இறுதிவரை சென்றிருந்தாலும், அந்த அணி ஒரே ஒரு முறை மட்டுமே கோப்பையை கைப்பற்றியுள்ளது.
ஐபிஎல் வரலாற்றில் அதிக முறை இறுதிப் போட்டியில் விளையாடிய அணிகளில் சென்னை சூப்பர் கிங்ஸ் முதலிடத்தில் உள்ளது. அந்த அணி 10 முறை இறுதிப் போட்டியில் விளையாடி 5 முறை சாம்பியன் பட்டம் வென்றுள்ளது. மும்பை இந்தியன்ஸ் அணி 6 முறை இறுதிக்கு சென்று 5 கோப்பைகளை வென்றுள்ளது.அதேபோல், கொல்கத்தா நைட் ரைடர்ஸ் அணி 4 முறை இறுதியில் விளையாடி 3 முறை சாம்பியன் ஆகியுள்ளது. சன்ரைசர்ஸ் ஹைதராபாத் அணி 3 முறை இறுதிப்போட்டிக்கு முன்னேறி ஒரு முறை பட்டம் வென்றுள்ளது.இந்த சீசனில் ஆர்சிபி அணி கோப்பையை கைப்பற்றுமா என்ற எதிர்பார்ப்பு ரசிகர்கள் மத்தியில் அதிகரித்துள்ளது.
