அரசு வேலை வயது வரம்பு 5 ஆண்டுகள் உயர்வு

அரசியல் சிறப்பு செய்திகள் தமிழ்நாடு வேலைவாய்ப்புச் செய்திகள்

தமிழகத்தில் அரசு வேலைக்காக TNPSC உள்ளிட்ட போட்டித் தேர்வுகளுக்குத் தயாராகி வரும் தேர்வர்களுக்கு மகிழ்ச்சியான அறிவிப்பை முதலமைச்சர் விஜய் வெளியிட்டுள்ளார்.அரசுப் பணிகளில் நேரடி நியமனத்திற்கான அதிகபட்ச வயது வரம்பை தற்போதைய விதிமுறைகளைவிட 5 ஆண்டுகள் உயர்த்தி முதலமைச்சர் உத்தரவிட்டுள்ளார்.இந்த புதிய அறிவிப்பு 2026 அக்டோபர் 30ஆம் தேதி முதல் அமலுக்கு வருகிறது. மேலும், இந்த வயது வரம்பு உயர்வு அடுத்த 5 ஆண்டுகளுக்கு நடைமுறையில் இருக்கும்.TNPSC குரூப் 1 – புதிய வயது வரம்பு பொதுப்பிரிவினர்: 32 வயதிலிருந்து 37 வயதாக உயர்வு.இடஒதுக்கீட்டுப் பிரிவினர்: 37 வயதிலிருந்து 42 வயதாக உயர்வு.மாற்றுத்திறனாளி பொதுப்பிரிவினர்: 42 வயதிலிருந்து 47 வயதாக உயர்வு.மாற்றுத்திறனாளி இடஒதுக்கீட்டுப் பிரிவினர்: 47 வயதிலிருந்து 52 வயதாக உயர்வு.TNPSC குரூப் 2 மற்றும் 2Aபொதுப்பிரிவினர்: 30 வயதிலிருந்து 35 வயதாக உயர்வு.மாற்றுத்திறனாளி பொதுப்பிரிவினர்: 40 வயதிலிருந்து 45 வயதாக உயர்வு.இடஒதுக்கீட்டுப் பிரிவினருக்கு ஏற்கனவே உள்ள அதிகபட்ச வயது வரம்பு இல்லாத நடைமுறை தொடரும்.TNPSC குரூப் 4கூடுதல் கல்வித்தகுதி இல்லாத பொதுப்பிரிவினருக்கு வயது வரம்பு 30-ல் இருந்து 35 ஆக உயர்த்தப்பட்டுள்ளது.BC, BCM, MBC, DNC பிரிவினர்: 32 வயதிலிருந்து 37 வயதாக உயர்வு.SC, ST மற்றும் ஆதரவற்ற விதவைகள்: 35 வயதிலிருந்து 40 வயதாக உயர்வு.மாற்றுத்திறனாளிகளுக்கும் கூடுதலாக 5 ஆண்டுகள் வயதுத் தளர்வு வழங்கப்பட்டுள்ளது.கூடுதல் கல்வித்தகுதி பெற்றவர்களுக்கான குரூப் 4 வயது வரம்பிலும் பொருந்தக்கூடிய விதிமுறைகளின்படி மாற்றம் செய்யப்பட்டுள்ளது.யாரெல்லாம் பயன்பெறுவார்கள்?BC, BCM, MBC, DNC, SC, ST மற்றும் ஆதரவற்ற விதவைகள் உள்ளிட்ட இடஒதுக்கீட்டுப் பிரிவினருக்கு ஏற்கனவே வழங்கப்பட்ட வயதுத் தளர்வுக்கு மேலாக இந்த 5 ஆண்டு சலுகை வழங்கப்படுகிறது.இதன் மூலம் வயது வரம்பைக் கடக்கும் நிலையில் இருந்த ஆயிரக்கணக்கான அரசு வேலை தேடுபவர்கள் மீண்டும் போட்டித் தேர்வுகளில் பங்கேற்க வாய்ப்பு கிடைத்துள்ளது.பல ஆண்டுகளாக TNPSC தேர்வுகளுக்குத் தயாராகி வந்தவர்களுக்கு இந்த அறிவிப்பு புதிய நம்பிக்கையை ஏற்படுத்தியுள்ளது.

Leave a Reply

Your email address will not be published. Required fields are marked *