ராமநாதபுரம் மாவட்டம் பசும்பொன்னில் பசும்பொன் முத்துராமலிங்கத் தேவரின் 119-வது ஜெயந்தி விழா மற்றும் 64-வது குருபூஜை விழா இன்று (அக்டோபர் 30) சிறப்பாகக் கொண்டாடப்படுகிறது.சுதந்திரப் போராட்டத்தில் முக்கியப் பங்காற்றிய முத்துராமலிங்கத் தேவர், நேதாஜி சுபாஷ் சந்திரபோஸின் கொள்கைகளை ஆதரித்ததுடன், ஆங்கிலேயர் ஆட்சிக்கு எதிராகவும் போராடினார். இதையொட்டி, தமிழகம் முழுவதும் பல்வேறு இடங்களில் தேவர் சிலைகளுக்கு மாலை அணிவித்து அரசியல் கட்சித் தலைவர்கள் மற்றும் பொதுமக்கள் மரியாதை செலுத்தி வருகின்றனர்.சென்னை நந்தனத்தில் உள்ள முத்துராமலிங்கத் தேவர் சிலைக்கு முதலமைச்சர் சி. ஜோசப் விஜய் மாலை அணிவித்து மலர் தூவி மரியாதை செலுத்தினார்.அதேபோல், முன்னாள் முதலமைச்சர் மு.க.ஸ்டாலின் மதுரை கோரிப்பாளையத்தில் உள்ள தேவர் சிலைக்கு மாலை அணிவித்து மரியாதை செலுத்தினார். அதிமுக பொதுச்செயலாளர் எடப்பாடி பழனிசாமி மரியாதை செலுத்தினார்.பசும்பொன்னில் நடைபெற்ற குருபூஜை விழாவில் குடியரசுத் துணைத் தலைவர் சி.பி.ராதாகிருஷ்ணன், ஆளுநர் ஆர்.என்.ரவி உள்ளிட்ட முக்கியப் பிரமுகர்கள் பங்கேற்று மரியாதை செலுத்தினர்.
