உலகின் மகிழ்ச்சியான நாடுகளின் பட்டியலில் தொடர்ந்து 9வது ஆண்டாக பின்லாந்து முதலிடம் பிடித்துள்ளது. இந்த பட்டியல் ஆண்டுதோறும் வெளியிடப்படும் World Happiness Report அடிப்படையில் தயாரிக்கப்படுகிறது. இதில் மக்களின் வாழ்க்கை தரம், சமூக ஆதரவு, பொருளாதார நிலை, சுகாதாரம், சுதந்திரம் மற்றும் ஊழல் இல்லாத நிலை போன்ற அம்சங்கள் மதிப்பீடு செய்யப்படுகின்றன. பின்லாந்து தொடர்ந்து முதலிடத்தில் இருப்பதற்கு அதன் சிறந்த கல்வி அமைப்பு, உயர்ந்த வாழ்க்கை தரம் மற்றும் மக்களுக்கு கிடைக்கும் சமூக பாதுகாப்பு முக்கிய காரணங்களாக கூறப்படுகிறது.இந்த பட்டியலில் பின்லாந்தைத் தொடர்ந்து ஐஸ்லாந்து, டென்மார்க், ஸ்வீடன், நார்வே போன்ற வட ஐரோப்பிய நாடுகள் முன்னணி இடங்களைப் பிடித்துள்ளன. இஸ்ரேல் 8வது இடத்தில் உள்ளது. ஆனால் இந்தியா இந்த ஆண்டில் 116வது இடத்தில் உள்ளது. இந்தியாவின் தரவரிசை குறைவாக இருப்பதற்கான காரணங்களில் மக்கள் வாழ்க்கை தரத்தில் உள்ள வேறுபாடு, வேலைவாய்ப்பு சவால்கள் மற்றும் சமூக ஆதரவு குறைவு ஆகியவை குறிப்பிடப்படுகின்றன. இந்த அறிக்கை நாடுகள் மக்களின் நலன் மற்றும் மகிழ்ச்சியை அதிகரிக்க என்ன செய்ய வேண்டும் என்பதை காட்டும் முக்கியமான குறிகாட்டியாக பார்க்கப்படுகிறது.
