சென்னை சூப்பர் கிங்ஸ் (CSK) அணியின் தலைமை பயிற்சியாளராக முன்னாள் இந்திய வேகப்பந்து வீச்சாளர் ஜாகீர் கான் நியமிக்கப்பட்டுள்ளார். அணிக்கு இந்தியர் ஒருவர் பயிற்சியாளராக இருக்க வேண்டும் என்ற முன்னாள் கேப்டன் மகேந்திர சிங் தோனியின் விருப்பத்தை ஏற்று, ஜாகீர் கான் தேர்வு செய்யப்பட்டுள்ளதாக தகவல்கள் தெரிவிக்கின்றன.இந்திய அணியின் சிறந்த இடது கை வேகப்பந்து வீச்சாளர்களில் ஒருவரான ஜாகீர் கான், சர்வதேச கிரிக்கெட்டில் நீண்ட காலம் விளையாடிய அனுபவம் கொண்டவர். 2011-ம் ஆண்டு இந்தியா உலகக் கோப்பையை வென்றபோது, அந்த அணியில் ஜாகீர் கான் முக்கிய பங்கு வகித்தார்.ஐபிஎல் தொடரிலும் ஜாகீர் கானுக்கு பயிற்சியாளர் அனுபவம் உள்ளது. மும்பை இந்தியன்ஸ் அணியின் பந்துவீச்சு பயிற்சியாளராகவும், கிரிக்கெட் இயக்குநராகவும் அவர் பணியாற்றியுள்ளார். இதனால், வீரர்களின் திறனை மேம்படுத்துவதிலும், அணியின் பந்துவீச்சு திட்டங்களை உருவாக்குவதிலும் அவரது அனுபவம் சிஎஸ்கே அணிக்கு உதவக்கூடும்.புதிய தலைமை பயிற்சியாளர் தலைமையில் சிஎஸ்கே அணி தனது பந்துவீச்சு மற்றும் ஒட்டுமொத்த அணிச்சேர்க்கையை மேலும் வலுப்படுத்தும் என எதிர்பார்க்கப்படுகிறது.
