கம்போடியாவில் வேலைக்கு சென்ற 400 தமிழர்கள் சட்டவிரோத கும்பலிடம் சிக்கித் தவிப்பு

அரசியல் இந்தியா உலகம் செய்திகள் தமிழ்நாடு மற்றவை

கம்­போ­டியா நாட்­டில் சட்­ட­வி­ரோ­தக் கும்­ப­லி­டம் தமிழகத்தை சேர்ந்த 400க்கும் மேற்­பட்­டோர் சிக்­கித் தவித்து வரு­வ­தாக தாய­கம் திரும்­பிய சையது இப்­ரா­ஹிம் தெரி­வித்­துள்­ளார்.
தாய்­லாந்­தில் ஐடி வேலை எனக்­கூறி அழைத்துச் செல்­லப்­பட்ட 50 தமி­ழர்­கள் உள்­ளிட்ட 300 இந்­தி­யர்­கள், மியன்­மார் நாட்­டில் சட்­ட­வி­ரோ­தக் கும்­ப­லி­டம் சிக்­கி­யது.
தங்­களை மீட்­கக் கோரி அவர்­கள் வெளி­யிட்ட காணொளி சமூக ஊட­கங்­களில் பரவி அர­சின் முயற்­சி­யால், 13 தமி­ழர்­கள் மீட்­கப்­பட்­டுள்­ள­னர்.
இத­னி­டையே கம்­போ­டியா நாட்­டி­லும் இந்­தி­யர்­கள் சிக்­கித் தவிப்­ப­தாக வெளி­யு­றவு அமைச்சு தெரி­வித்­தது.
இதனை கோலாலம்­பூ­ரில் இருந்து திருச்சி விமான நிலை­யம் வந்த புதுக்­கோட்­டை­யைச் சேர்ந்த சையது இப்­ரா­கிம் உறுதி செய்­துள்­ளார். இது குறித்து செய்­தி­யா­ளர்­க­ளி­டம் பேசிய சையது இப்­ரா­ஹிம், கடந்த ஜூலை மாதம் ரூ.3 லட்­சம் செலவு செய்து கம்­போ­டியா நாட்­டிற்­குச் சென்­ற­தா­கவும் திருச்சி தில்­லை­ந­கர் பகு­தியை சேர்ந்த ஒரு நிறு­வ­னத்­தி­னர் அங்கு தன்னை அனுப்பி வைத்­த­தா­க­வும் கூறி­னார்.
“கம்­போ­டி­யா­வில் தமிழ்­நாட்டை சேர்ந்த ஒரு­வர் என்னை 4,000 டால­ருக்கு விற்­பனை செய்­தார். அங்கு எனக்கு உரிய வேலை ஏதும் கொடுக்­கப்­ப­ட­வில்லை.
ஆயி­ரம் டாலர் சம்­ப­ளம் கொடுப்­பேன் என்று கூறி­விட்டு, சம்­ப­ளம் கொடுக்­கா­மல் திருட்டு மற்­றும் சமூக விரோத செயல்­களில் என்னை ஈடு­பட கட்­டா­யப்­ப­டுத்­தி­னர்.
“இது குறித்து முத­லில் திருச்சி காவல்­துறை ஆணை­யர் அலு­வ­ல­கம், மாவட்ட ஆட்­சி­யர் அலு­வ­ல­கம் மற்­றும் எஸ்­டி­பிஐ கட்­சி­யி­ன­ருக்கு தக­வல் தெரி­வித்­தேன். பல்­வேறு முயற்­சி­க­ளுக்கு இடையே எஸ்­டி­பிஐ கட்­சி­யி­ன­ரின் உத­வி­யு­டன் திருச்சி வந்து சேர்ந்­தேன்,” என்று அவர் தெரி­வித்­தார்.
இதற்­கி­டையே கம்­போ­டி­யா­வில் தமி­ழ­கத்தை சேர்ந்த 400க்கும் மேற்­பட்­டோர் சிக்­கித்­த­வித்து வரு­கின்­ற­னர் என்று அவர் தெரி­வித்­தார்.
சமூக விரோத செயல்­களை செய்­ய­வில்லை என்­றால் அடிப்­பது, உணவு கொடுக்க மறுப்­பது, மின்­சா­ரத்தை உட­லில் பாய்ச்­சு­வது போன்ற கொடு­மை­களை செய்­வ­தா­க­வும் கூறி­னார்.
“இது­போன்ற கொடு­மை­கள் செய்­யும் காணொளி என்­னி­டம் உள்­ளது. துப்­பாக்கி வைத்து மிரட்டு­ கின்­ற­னர்.
“இந்­திய தூத­ர­கத்தை சேர்ந்­த­வர்­களே அவர்­க­ளி­டம் பேச அஞ்சு­ கின்­ற­னர். இப்­போது இந்­திய தூத­ரக அதி­கா­ரி­கள் மீட்­ப­தற்­கான முயற்­சியை மேற்­கொள்­கின்­ற­னர்,” என்று சையது இப்­ரா­ஹிம் மேலும் தெரி­வித்­தார்.
இந்த நிலை­யில் மியன்­மா­ரி­ல் இ­ருந்து முதல் கட்­ட­மாக 13 பேர் மீட்­கப்­பட்டு புதன்­கி­ழமை காலை சென்னை வந்­து­சேர்ந்­த­னர். அவர்­களை தமி­ழக அமைச்­சர் செஞ்சி மஸ்­தான் வர­வேற்­றுள்­ளார்.
ஐம்­பது தமி­ழர்­கள் உட்­பட 300 பேர் தாய்­லாந்­தி­லும் மியன்­மா­ரி­லும் சிக்­கித் தவிப்­ப­தாக தக­வல்­கள் தெரி­விக்­கின்­றன.
தமி­ழக முதல்­வர் மு. க. ஸ்டா­லின் இது தொடர்­பில் பிர­தமருக்­கும் வெளி­யு­றவு அமைச்­ச­ருக்­கும் கடி­தம் எழு­தி­யி­ருந்­தார். இதை யடுத்து இந்­தி­யர்­கள் கட்­டம் கட்­ட­மாக மீட்­கப்­பட்டு வரு­கின்­ற­னர்.
இதற்­கி­டையே ஆள்­க­டத்­தல் கும்­பல்­கள் சட்­ட­வி­ரோத நடவடிக்­கை­கள் மூலம் இந்­தி­யர்­களை கடத்த முயற்­சிப்­ப­தால் போலி வேலை வாய்ப்­பு­களை நம்பி ஏமாற வேண்­டாம் என்று வெளி­யு­றவு அமைச்சு எச்­ச­ரித்­துள்­ளது.
இதனால் வெளிநாட்டுக்கு வேலைக்கு செல்லும் இளையர்கள் எச்சரிக்கையுடன் இருக்கும்படி மத்திய, மாநில அரசுகள் கேட்டுக் கொண்டது

Leave a Reply

Your email address will not be published.