கோவையில் 10 வயது சிறுமி கடத்தப்பட்டு கொலை செய்யப்பட்ட சம்பவம் பெரும் அதிர்ச்சியை ஏற்படுத்தியுள்ளது. இந்த சம்பவம் தொடர்பாக தமிழக டிஜிபி சந்தீப் ராய் ரத்தோர் சம்பவ இடத்துக்கு நேரில் சென்று ஆய்வு மேற்கொண்டார். மேலும், காவல்துறை அதிகாரிகளிடம் விசாரணை நிலை குறித்து விரிவாக கேட்டறிந்தார்.போலீஸ் விசாரணையில், சிறுமியை சாக்லெட் வாங்கித் தருவதாக ஆசை காட்டி அழைத்து சென்றது தெரியவந்துள்ளது. பின்னர், அருகிலிருந்த தென்னந்தோப்பில் வைத்து கொலை செய்யப்பட்டதாக கூறப்படுகிறது. இந்த கொடூர சம்பவம் கோவை மக்களிடையே பெரும் சோகத்தையும் பதற்றத்தையும் ஏற்படுத்தியுள்ளது.சம்பவம் குறித்து தகவல் கிடைத்தவுடன் போலீசார் விரைந்து சென்று விசாரணை தொடங்கினர். சந்தேக நபரை கைது செய்து தொடர்ந்து விசாரித்து வருவதாக கூறப்படுகிறது. மேலும், சம்பவ இடத்தில் தடயவியல் நிபுணர்களும் ஆய்வு மேற்கொண்டனர்.இந்த சம்பவத்துக்கு பல்வேறு தரப்பினரும் கடும் கண்டனம் தெரிவித்து வருகின்றனர். குழந்தைகளின் பாதுகாப்பை உறுதி செய்ய அரசு மற்றும் காவல்துறை கடுமையான நடவடிக்கை எடுக்க வேண்டும் என்ற கோரிக்கையும் எழுந்துள்ளது.
