எலான் மஸ்க் வெள்ளிக்கிழமை அக்டோபர் 27 மாலை 5 மணிக்குள் ட்விட்டரின் முழு கையகப்படுத்தல் ஒப்பந்தத்தையும் முடிக்க வேண்டும் என்றும், இல்லையெனில் நீதிமன்றத்தில் விசாரணையை சந்திக்க நேரிடும் என்ற தகவல் வெளியாகியுள்ளது. இந்த ஒப்பந்தத்தின்படி, டிவிட்டரை வாங்கும் மதிப்பானது மதிப்பு 44 பில்லியன் டாலர்கள் ஆகும்.
சமீபத்திய வங்கி அதிகாரிகளிடம் வீடியோ கான்ஃபரன்ஸ் அழைப்பில், எலான் மஸ்க் தனது 44 பில்லியன் டாலர் ட்விட்டர் கையகப்படுத்துதலை வெள்ளிக்கிழமைக்குள் முடித்துவைப்பதாக உறுதியளித்ததாக கூறப்படுகிறது. இந்த அறிக்கையின்படி, மஸ்க்கிற்கு பணப்பரிமாற்றம் செய்வதற்கான இறுதி கட்டத்தில் உள்ள வங்கிகள் இறுதி கடன் ஒப்பந்தத்தை முடித்து ஆவணங்களில் கையெழுத்திடும் பணியில் ஈடுபட்டுள்ளன.
CNN அறிக்கையின்படி, எலான் மஸ்க்கிற்கு எதிரான 44 பில்லியன் டாலர் ட்விட்டர் வாங்கும் ஒப்பந்தம் அமெரிக்க பெடரேஷன் அதிகாரிகளால் விசாரிக்கப்பட்டு வருகிறது. இந்த நிலையில், நீதிமன்றத் தாக்கல் பற்றிய கூடுதல் விவரங்களைத் வெளியாகவில்லை என்றாலும், ஒப்பந்தம் தொடர்பாக மஸ்கின் நடத்தை குறித்து ஆராய்ந்து வருவதாக மட்டும் ட்விட்டர் தெரிவித்துள்ளது.
தென் கொரியாவின் மிரே அச்சட் ஃபைனான்சியல் ஆனது, எலான் மஸ்கின் ட்விட்டர் ஒப்பந்தத்திற்காக 44 பில்லியன் டாலர் வாங்குவதற்கு நிதியுதவி செய்ய, சுமார் 300 பில்லியன் கொரிய வோன் ($208 மில்லியன்) திட்டமிடப்பட்டுள்ளது. இந்த கையகப்படுத்துதலுக்காக மஸ்க் 46.5 பில்லியன் டாலர் ஈக்விட்டி மற்றும் கடன் நிதியாக அளிப்பதாக உறுதியளித்துள்ளது. இதில் 44 பில்லியன் டாலர் விலை மற்றும் இறுதிச் செலவு ஆகியவை அடங்கும். அதே நேரத்தில், மோர்கன் ஸ்டான்லி மற்றும் பேங்க் ஆஃப் அமெரிக்கா கார்ப் உள்ளிட்ட வங்கிகள் ஒப்பந்தத்தை முடிக்க 13 பில்லியன் டாலர் நிதியளிப்பதாக உறுதியளித்துள்ளன.
