இரட்டைக் குடியுரிமைக்கு புதிய கட்டுப்பாடு!ஸ்வீடன் நாட்டில் இரட்டைக் குடியுரிமை பெற்ற சிலரின் குடியுரிமையை ரத்து செய்ய அனுமதிக்கும் அரசியலமைப்புத் திருத்தத்திற்கு அந்நாட்டு நாடாளுமன்றம் ஒப்புதல் அளித்துள்ளது. அதன்படி, தவறான தகவல்களைக் கொடுத்து குடியுரிமை பெற்றவர்கள் மற்றும் ஸ்வீடனின் பாதுகாப்பு, முக்கிய நலன்களுக்கு எதிராகக் கடுமையான குற்றங்களில் ஈடுபட்டு தண்டனை பெற்றவர்கள் மீது குடியுரிமை ரத்து நடவடிக்கை எடுக்க முடியும்.இந்தப் புதிய அரசியலமைப்புத் திருத்தம் 2027 ஜனவரி 1ஆம் தேதி முதல் நடைமுறைக்கு வர உள்ளது. இதனால் ஸ்வீடனில் வசிக்கும் இந்திய வம்சாவளியினர் உள்ளிட்ட இரட்டைக் குடியுரிமை பெற்ற வெளிநாட்டவர்கள் மத்தியில் கவலை ஏற்பட்டுள்ளது.குறிப்பாக, ஸ்வீடன் குடியுரிமையுடன் இந்திய வம்சாவளியைச் சேர்ந்தவர்களாக இருக்கும் சிலரும் இந்தச் சட்டம் குறித்து கவனம் செலுத்தி வருகின்றனர். ஏனெனில், இந்தியாவில் பொதுவாக இரட்டைக் குடியுரிமை அனுமதிக்கப்படுவதில்லை. வெளிநாட்டுக் குடியுரிமை பெறும் இந்தியர்கள் தங்களது இந்தியக் குடியுரிமையை இழக்க நேரிடும். இருப்பினும், OCI (Overseas Citizen of India) அட்டை மூலம் இந்தியாவுடன் சில தொடர்புகளையும் சலுகைகளையும் தொடர்ந்து வைத்திருக்க முடியும்.இந்தச் சட்டம் அனைத்து இரட்டைக் குடியுரிமை பெற்றவர்களின் குடியுரிமையையும் தானாக ரத்து செய்யாது. குறிப்பிட்ட குற்றங்கள் மற்றும் மோசடி மூலம் குடியுரிமை பெற்றது போன்ற சூழ்நிலைகளில் மட்டுமே நடவடிக்கை எடுக்கப்படும். இதன் மூலம் நாட்டின் பாதுகாப்பையும் குடியுரிமை நடைமுறையின் நம்பகத்தன்மையையும் உறுதி செய்வதே ஸ்வீடன் அரசின் நோக்கமாகக் கூறப்படுகிறது.
