உலகப் புகழ் பெற்ற குலசேகரன்பட்டினம் முத்தாரம்மன் கோயில் தசரா திருவிழா

ஆன்மீக தளங்கள் ஆன்மீகம் கடந்த நிகழ்ச்சிகள் கோயில்கள் செய்திகள் தமிழ்நாடு

குலசேகரப்பட்டினம் முத்தாரம்மன் கோயில் தசரா பண்டிகை 10 நாள் திருவிழாவாக கொண்டாடப்படும். குலசேகரப்பட்டினத்தில் இந்த ஆண்டு செப்டம்பர் 26 ம் தேதி தசரா கொடியேற்றத்துடன் துவங்கியது. தசரா பண்டிகையின் முக்கிய நிகழ்வான மகிஷன் சூரசம்ஹாரம் அக்டோபர் 5 ம் தேதியான நாளை, குலசேகரப்பட்டினம் கடற்கரை பகுதியில் நடைபெற உள்ளது. கொரோனா கட்டுப்பாடுகள் காரணமாக கடந்த இரண்டு ஆண்டுகளாக கலையிழந்து காணப்பட்ட தசரா விழா, மீண்டும் பழைய உற்சாகத்துடன் இந்த ஆண்டு நடந்து வருகிறது.
நாடு முழுவதும் விமர்சையாகக் கொண்டாடப்படும் விழாக்களில் ஒன்று நவராத்திரி. இந்த விழா தென்னிந்தியாவில் நவராத்திரி என்ற பெயரிலும், வட இந்தியாவில் துர்க்கா பூஜை என்ற பெயரிலும் வெகு விமர்சையாகக் ஆண்டுதோறும் கொண்டாடப்படுவது வழக்கம். நவராத்திரியின் 9 நாட்களை தொடர்ந்து வரும் 10 வது நாளை தென்னிந்தியாவில் விஜயதசமி என கொண்டாடுகிறார்கள். அதே சமயம் தமிழகம் தவிர மற்ற மாநிலங்களில் இவ்விழா தசரா என்ற பெயரில் கொண்டாடப்படுகிறது.
தசரா பண்டிகை கொண்டாட்டம் என்றாலே நம் நினைவிற்கு வருவது மைசூரு நகரில் நடக்கும் விழா தான். ஆனால் மைசூருக்கு அடுத்தபடியாக தென்னிந்தியாவில் தசரா பண்டிகை விமர்சிமையாகக் கொண்டாடப்படும் இடம் தூத்துக்குடி மாவட்டம் குலசேகரப்பட்டினத்தில் தான். தமிழகத்தில் இந்த ஒரு ஊரில் மட்டும் தான் தசரா பண்டிகை கொண்டாடப்படுவது வழக்கமாக உள்ளது. குலசேகரப்பட்டினம் முத்தாரம்மன் கோயில் தசரா பண்டிகை 10 நாள் திருவிழாவாக கொண்டாடப்படும்.
மிகவும் சக்திவாய்ந்த அம்மனாக கருதப்படும் குலசேகரப்பட்டினம் அல்லது குலசை முத்தாரம்மன் கோயிலில் வருடந்தோறும் தசரா பண்டிகையின் போது பக்தர்கள் காப்புக்கட்டி, விரதம் இருந்து, தெய்வங்களின் வேடமிட்டு வந்து நேர்த்திக்கடன் செலுத்துவது வழக்கமாக இருந்து வருகிறது. பக்தர்கள் தாங்கள் வேண்டிக் கொண்டது நடந்து விட்டால், தசரா விழாவிற்காக 90 நாட்கள், 60 நாட்கள், 48 நாட்கள், 21 நாட்கள் என்ற கணக்கில் விரதமிருந்து காளி வேடமிட்டு வருவார்கள். அவ்வாறு வரும் பக்தர்களின் உடலில் முத்தாரம்மன் இறங்கி அருள்வாக்கு சொல்வதாக ஐதீகம்.
பல ஊர்களில் இருந்தும் குழுக்களாக வந்து தெய்வ வேடமிட்டு அம்பாளை வழிபடுவது வழக்கம். அப்படி வருபவர்களில் யாராவது ஒருவர் நிச்சயம் காளி வேடமிட்டு அந்த குழுவை வழிநடத்திச் செல்ல வேண்டும். முத்தாரம்மன் தான் அனைவரையும் வழிநடத்துபவளாக இருப்பதாக நம்பப்படுவதால் இந்த வழக்கம் கடைபிடிக்கப்பட்டு வருகிறது. மற்றவர்கள் கணபதி, முருகன், சிவன் போன்ற மற்ற தெய்வங்களைப் போலவும் வேடமிட்டு வருவார்கள். 9 நாட்களும் பல அலங்காரங்களில் காட்சி தரும் அம்பாள், விஜயதசமி அன்று சரியாக இரவு 12 மணிக்கு அசுரனை அம்பாள் வதம் செய்யும் தசரா நடைபெற்று, அதைத் தொடர்ந்து அம்மன் தேரில் ஊர்வலம் வருவாள்.
குலசேகரப்பட்டினத்தில் இந்த ஆண்டு செப்டம்பர் 26 ம் தேதி தசரா கொடியேற்றத்துடன் துவங்கியது. தசரா பண்டிகையின் முக்கிய நிகழ்வான மகிஷன் சூரசம்ஹாரம் அக்டோபர் 5 ம் தேதியான நாளை, குலசேகரப்பட்டினம் கடற்கரை பகுதியில் நடைபெற உள்ளது. கொரோனா கட்டுப்பாடுகள் காரணமாக கடந்த இரண்டு ஆண்டுகளாக கலையிழந்து காணப்பட்ட தசரா விழா, மீண்டும் பழைய உற்சாகத்துடன் இந்த ஆண்டு நடந்து வருகிறது.

Leave a Reply

Your email address will not be published.