தமிழகத்தில் ஆவின் பால் பொருட்களின் விலை உயர்வு நாளை (அக்டோபர் 28) முதல் அமலுக்கு வருவதாக அறிவிக்கப்பட்டுள்ளது. தீபாவளி பண்டிகை நெருங்கி வரும் நிலையில், இனிப்புகள் தயாரிக்கப் பயன்படுத்தப்படும் பால் பொருட்களின் விலை உயர்ந்திருப்பது பொதுமக்களிடையே அதிர்ச்சியை ஏற்படுத்தியுள்ளது.இதன்படி, ஒரு லிட்டர் ஆவின் நெய்யின் விலை ரூ.80 உயர்ந்து, ரூ.770 ஆக அதிகரித்துள்ளது. மேலும், பால்கோவா, மைசூர்பாக், லஸ்ஸி உள்ளிட்ட பல்வேறு ஆவின் பால் பொருட்களின் விலையும் உயர்த்தப்பட்டுள்ளது. இதனால், தீபாவளிக்காக இனிப்புகள் வாங்கத் திட்டமிடும் குடும்பங்களுக்கும், வீட்டிலேயே இனிப்புகள் தயாரிப்பவர்களுக்கும் கூடுதல் செலவு ஏற்படும் நிலை உருவாகியுள்ளது.ஏற்கெனவே அத்தியாவசியப் பொருட்களின் விலை உயர்வால் குடும்பச் செலவுகளைச் சமாளிக்க மக்கள் சிரமப்படும் நிலையில், பண்டிகைக்கு முன்பாக ஆவின் பால் பொருட்களின் விலை உயர்ந்திருப்பது பொதுமக்களிடையே கவலையை ஏற்படுத்தியுள்ளது.
