சிக்கிம் மாநிலத்தில் இன்று ஒரே நாளில் தொடர்ந்து 4 முறை நிலநடுக்கம் ஏற்பட்டதாக தேசிய நில அதிர்வு மையம் தெரிவித்துள்ளது. காலை 11.34 மணியளவில் கியால்ஷிங் பகுதியில் ரிக்டர் அளவில் 4.6 ஆக முதல் நிலநடுக்கம் பதிவானது. அதனைத் தொடர்ந்து மதியம் 12.17 மணிக்கு மங்கன் பகுதியில் 3.5 அளவில் இரண்டாவது நிலநடுக்கம் ஏற்பட்டது.இதன் பின்னர் மதியம் 12.39 மணிக்கு மீண்டும் கியால்ஷிங் பகுதியில் 3.9 அளவில் நிலநடுக்கம் உணரப்பட்டது. மேலும், மதியம் 1.12 மணியளவில் மங்கன் பகுதியில் 3.4 அளவில் நான்காவது முறையாக நிலநடுக்கம் ஏற்பட்டது. ஒரே நாளில் அடுத்தடுத்து 4 முறை நிலநடுக்கம் ஏற்பட்டதால் அப்பகுதியில் மக்கள் இடையே பதற்றம் ஏற்பட்டுள்ளது. எனினும், சேதம் அல்லது உயிரிழப்பு குறித்து உடனடி தகவல்கள் வெளியாகவில்லை. குறிப்பிடத்தக்கது என்னவென்றால், நேற்று இரவு தெலுங்கானா மாநிலத்திலும் ரிக்டர் 3.9 அளவில் நிலநடுக்கம் பதிவாகியுள்ளது.
