கடந்த ஒரு மாதத்தில் 120க்கும் மேற்பட்ட ஸ்டார்லிங்க் செயற்கைக்கோள்கள் செயலிழந்துள்ளன. எலான் மஸ்க்கின் ஸ்பேஸ்எக்ஸ் நிறுவனம் ஸ்டார்லிங்க் செயற்கைக்கோள்களை பயன்படுத்தி இணைய சேவையை வழங்குகிறது. இவை பூமியின் சுற்றுப்பாதையில் குறிப்பிட்ட இடங்களில் நிலைநிறுத்தப்பட்டுள்ளன. ஜனவரி 2024 நிலவரப்படி, சுமார் 7,000 ஸ்டார்லிங்க் செயற்கைக்கோள்கள் தற்போது சுற்றுப்பாதையில் செயல்பட்டு வருகின்றன. ஜனவரியில், 120க்கும் மேற்பட்ட ஸ்டார்லிங்க் செயற்கைக்கோள்கள் செயலிழந்து பூமியின் வளிமண்டலத்தில் மீண்டும் நுழைந்து எரிந்து விட்டதாக தகவல்கள் தெரிவிக்கின்றன. வானியலாளர் ஜொனாதன் மெக்டோவல், ஒவ்வொரு நாளும் நான்கு முதல் ஐந்து ஸ்டார்லிங்க் செயற்கைக்கோள்கள் வளிமண்டலத்தில் எரிந்து விழும் எனக் குறிப்பிட்டுள்ளார்.
