ஃபிஃபா உலகக்கோப்பை 2026க்கான ஆசிய தகுதிச் சுற்றின் போது நடைபெற்ற போட்டியில் ஆஸ்திரேலிய தேசிய கால்பந்து அணியில் தமிழர் நிஷான் வேலுப்பிள்ளை அறிமுகமாகியுள்ளார். இலங்கையை பூர்வீகமாகக் கொண்ட 23 வயதான நிஷான் வேலுப்பிள்ளை, 2019 முதல் ஆஸ்திரேலியாவில் அடிலெய்டு யுனைடெட் அணிக்காக விளையாடி வருகிறார். ஃபிஃபா உலகக்கோப்பை தகுதிச் சுற்று போட்டிகளில் ஆஸ்திரேலிய அணி தொடர்ந்து பின்னடைவை சந்தித்த நிலையில், அணியின் புதிய மேலாளராக பொறுப்பேற்ற டோனி போபாவிக், சீனாவுக்கு எதிரான போட்டியில் நிஷான் வேலுப்பிள்ளையை அணியில் அறிமுகப் படுத்தினார். அறிமுக போட்டியில் முதல் கோல் அடித்த நிஷான், ஆஸ்திரேலிய அணிக்காக 83வது நிமிடத்தில் களம் இறங்கினார். அவர், அடுத்த 7 நிமிடங்களில் தனது முதல் சர்வதேச கோலை அடித்து, அணியின் வெற்றிக்கு முக்கிய பங்காற்றினார். அவரது கோல் அடித்த வீடியோ தற்போது இணையத்தில் வைரலாகி வருகிறது, மேலும் அவர் அணிந்த 7 என்ற எண் கொண்ட ஜெர்சியும் ரசிகர்களின் கவனத்தை ஈர்த்துள்ளது. கிறிஸ்டியானோ ரொனால்டோவின் 7 என்ற ஜெர்சி எண்ணும் குறிப்பிடத்தக்கது. இதற்கிடையில், நிஷான் வேலுப்பிள்ளையின் கோல் மூலம் வெற்றி பெற்ற ஆஸ்திரேலிய கால்பந்து அணி, ஃபிஃபா உலகக்கோப்பை தகுதி வாய்ப்பை தக்கவைத்துள்ளது.
