இந்தியாவில் உருவாக்கப்பட்ட தேஜஸ் எம்.கே.-1ஏ போர் விமானம் தனது முதல் பயணத்தை வெற்றிகரமாக தொடங்கியது. ஹிந்துஸ்தான் ஏரோனாட்டிக்ஸ் லிமிடெட் (HAL) நிறுவனம் தயாரித்த இந்த விமானத்தின் சோதனை ஓட்டம் மஹாராஷ்டிரா மாநிலம் நாசிக்கில் நடைபெற்றது, இதில் மத்திய அமைச்சர் ராஜ்நாத் சிங் பங்கேற்றார்.தேஜஸ் எம்.கே.-1ஏ என்பது முழுமையாக இந்தியாவில் வடிவமைக்கப்பட்ட, மேம்படுத்தப்பட்ட இலகுரக போர் விமானமாகும். இது 4-பிளஸ் தலைமுறை விமானமாகும் மற்றும் 65% க்கும் மேற்பட்ட உள்நாட்டு கூறுகளை கொண்டுள்ளது. முந்தைய தேஜஸ் எம்.கே.-1 மாடலை விட இதில் 40 க்கும் மேற்பட்ட தொழில்நுட்ப மேம்பாடுகள் செய்யப்பட்டுள்ளன. இந்திய விமானப்படையில் ஏற்கனவே உள்ள தேஜஸ் விமானங்களின் மேம்படுத்தப்பட்ட பதிப்பாக இது பயன்படுகிறது. இந்திய விமானப்படைக்காக மொத்தம் 83 தேஜஸ் எம்.கே.-1ஏ விமானங்களை வாங்க ஒப்பந்தம் ஏற்கனவே செய்யப்பட்டுள்ளது.
