டெக் ஆர்வலர்களால் மிகுந்த எதிர்பார்ப்புடன் காத்திருக்கும் ஆப்பிள் ஐபோன் 16 சீரிஸ் நேற்று வெளியிடப்பட்டது. ஐபோன் 16 ப்ரோ மாடலின் விலை மற்றும் ஐஓஎஸ் 18 வெளியீடு தொடர்பான தகவல்கள் இணையத்தில் பரவியுள்ளன. ஆப்பிள் நிறுவனம் செப்டம்பர் 9 அன்று ‘இட்ஸ் குளோடைம்’ என்ற நிகழ்வை நடத்தியது. இந்த நிகழ்வில் ஐபோன் 16 சீரிஸ் ஸ்மார்ட்போன்கள் அறிமுகமாகவுள்ளதால், டெக் ஆர்வலர்கள் மிகுந்த ஆர்வத்துடன் காத்திருந்தனர். இந்நிகழ்வில், ஐபோன் 16 சீரிஸ், ஆப்பிள் வாட்ச் சீரிஸ் 10, நான்காம் தலைமுறை ஏர்பாட்ஸ் மற்றும் ios 18 இயங்குதளம் முதலியன வெளியிடப்பட்டன.
கடந்த ஆண்டின் ஐபோன் 15 ப்ரோ 3x ஜூம் கொண்டிருந்தது, ஆனால் இந்த ஆண்டின் ஐபோன் 16 ப்ரோ 5x ஆப்டிகல் ஜூம் டெலிஃபோட்டோ கேமரா கொண்டதாக எதிர்பார்க்கப்படுகிறது. இது புதிய தொழில்நுட்பங்களை கொண்டுள்ளது மற்றும் பயனர்களுக்கு மேம்பட்ட புகைப்பட அனுபவத்தை வழங்கும். ப்ளூம்பெர்க் செய்தியாளர் மார்க் குர்மன், ஐபோன் 16 ப்ரோ மாடலின் விலை குறித்த தகவல்களை வெளியிட்டுள்ளார். அவர் கூறியதாவது, இந்த மாடலின் விலை கடந்த ஆண்டின் ஐபோன் 15 ப்ரோவின் விலையைப் போலவே 999 அமெரிக்க டாலர்களில் தொடங்கும். ஐபோன் 16 ப்ரோவில் மேலும் பல செயற்கை நுண்ணறிவு (AI) அம்சங்கள் மற்றும் ஆப்பிளின் பிரத்யேக ஏ18 பயோனிக் சிப்செட் இருக்கும் என்று அவர் குறிப்பிட்டுள்ளார். இதனால், புதிய மாடல் பயனர்களுக்கு அதிக திறன்களை வழங்கும் என்று எதிர்பார்க்கப்படுகிறது.
மேலும், ஆப்பிள் நிறுவனத்தின் புதிய கேட்ஜெட்ஸ்கள் வெளியிடப்படவுள்ளன. இதில், ஆப்பிள் வாட்ச் சீரிஸ் 10 என்பது பெரிய திரை அளவுகள் மற்றும் மெல்லிய வடிவமைப்புடன் கூடியது. இது மேம்பட்ட பேட்டரி ஆயுளையும் கொண்டுள்ளது. புதிய ஆரோக்கிய அம்சங்களாக, தூக்கத்தில் மூச்சுத்திணறலைக் கண்டறிதல் போன்ற தொழில்நுட்பங்கள் சேர்க்கப்பட்டுள்ளது. ஆப்பிள் நான்காவது தலைமுறை ஏர்போட்களை அறிமுகம் செய்யவுள்ளது. இதில், சிறந்த ஆடியோ தரம் மற்றும் மேம்படுத்தப்பட்ட நாய்ஸ் கேன்சலேஷன் அம்சங்கள் உள்ளன. இதற்காக யுஎஸ்பி டைப்-சி ஆதரவு வழங்கப்படும் என எதிர்பார்க்கப்படுகிறது. இது பயனர்களுக்கு மேலும் சிறந்த அனுபவத்தை வழங்கும்.இந்த புதிய கேட்ஜெட்ஸ்கள், தொழில்நுட்ப முன்னேற்றங்களை அடிப்படையாகக் கொண்டு வடிவமைக்கப்பட்டுள்ளன என தயாரிப்பு நிறுவனம் கூறியுள்ளது.
iPhone 16 Pro இன் ஆரம்ப விலை ரூ. 1,19,900 ஆக உள்ளது, இது iPhone 15 Pro இன் ஆரம்ப விலையைப் போலவே ரூ. 1,34,900 ஆக இருந்தது. இதனால், புதிய மாடல் பழைய மாடலுக்கு ஒப்பிடும்போது ரூ. 15,000 குறைவாக உள்ளது. அதே நேரத்தில், iPhone 16 Pro Max இன் விலை ரூ. 1,44,900 ஆகும், இது iPhone 15 Pro Max இன் அறிமுக விலையைப் போலவே ரூ. 1,59,900 ஆக இருந்தது, இதிலும் ரூ. 15,000 குறைவாக உள்ளது. இந்தியாவில் புதிய iPhone மாடல்களுக்கு முன்பதிவுகள் செப்டம்பர் 13 அன்று மாலை 5:30 மணிக்கு தொடங்கும். வாடிக்கையாளர்கள் செப்டம்பர் 20 முதல் இந்த புதிய தொலைபேசிகளை வாங்க முடியும். குறைந்த விலைகள் இந்த புதிய மாடல்களை வாங்குவதற்கான ஆர்வம் மக்களிடையில் அதிகரித்து உள்ளது.
