அஜித்தின் ‘குட் பேட் அக்லி’ திரைப்படம் ஏப்ரல் 10-ம் தேதி திரையரங்குகளில் வெளியிடப்படும் என அதிகாரபூர்வமாக அறிவிக்கப்பட்டுள்ளது. கோடை விடுமுறையை முன்னிட்டு, இந்த திரைப்படம் வெளியாகும் என உறுதிப்படுத்தப்பட்டுள்ளது, இதனால் அஜித் ரசிகர்கள் மகிழ்ச்சியில் உள்ளனர். ஆதிக் ரவிச்சந்திரன் இயக்கத்தில் ‘குட் பேட் அக்லி’ திரைப்படத்தில் அஜித், த்ரிஷா, பிரசன்னா, சுனில், அர்ஜுன் தாஸ் போன்ற பல முன்னணி நடிகர்கள் நடித்துள்ளனர். இப்படத்திற்கான பாடல்களை தேவி ஸ்ரீபிரசாத்தும், பின்னணி இசையை ஜி.வி.பிரகாஷும் உருவாக்கியுள்ளனர். முன்னதாக, பொங்களுக்கு திரைக்கு வரவிருந்த ‘விடாமுயற்சி’ திரைப்படம் தற்போது தள்ளிவைக்கப்பட்டுள்ளது. இதற்கான வெளியீட்டு தேதி குறித்து படக்குழு எந்தவொரு அறிவிப்பும் வெளியிடவில்லை என்பது குறிப்பிடத்தக்கது. இதற்கிடையில், அஜித்தின் மாஸ் கெட்டப்பில் கையில் துப்பாக்கியுடன் உள்ள புகைப்படத்துடன் ‘குட் பேட் அக்லி’ திரைப்படம் ஏப்ரல் 10-ம் தேதி திரையரங்குகளில் வெளியாகும் என அதிகாரபூர்வமாக அறிவிக்கப்பட்டுள்ளது.
