கனடாவில் உள்ள பயங்கரவாதி ஹர்தீப் சிங் நிஜ்ஜாரின் கொலை தொடர்பாக கனடாவின் குற்றச்சாட்டுகளை நிராகரித்துள்ளது இந்தியா மற்றும் மறுப்பையும்முன்வைத்துள்ளது . கனடா பிரதமர் ஜஸ்டின் ட்ரூடோ, ஓட்டு வங்கி அரசியல் நடத்தி வருவதாக கூறி, இன்று கனடா அரசுக்கு இந்தியா பதிலளித்துள்ளது. கடந்த ஜூன் 2023ல், ஹர்தீப் சிங் நிஜ்ஜாரின் கொலை தொடர்பாக இந்தியாவுக்கு குற்றம் சாட்டிய ட்ரூடோ, இந்தியா மற்றும் கனடா இடையே உள்ள உறவுகளை அது பாதித்தது. இந்த சூழ்நிலையில், இந்திய உயர் அதிகாரி சஞ்சய் குமார் வர்மா மீது கனடா அரசு முன்வைத்த குற்றச்சாட்டுகள், இந்தியா தரப்பில் அபத்தமானதாகக் கருதப்படுகிறது. சஞ்சய் குமார் வர்மா, பல துறைகளில் பணியாற்றிய அனுபவமிக்க மூத்த அதிகாரியாக உள்ளார். இந்தியாவின் சிறப்பு துாதராக ஜப்பான், சூடான், இத்தாலி, துருக்கி, வியட்நாம் மற்றும் சீனா போன்ற நாடுகளில் சிறப்பாக பணியாற்றியவர், அரசுத் துறையில் 36 ஆண்டுகள் அனுபவம் கொண்டவர். சமீபத்தில், பிரதமர் மோடி லாவோஸ் நாட்டில் ஆசியான் உச்சி மாநாட்டில் கலந்து கொண்டார், அப்போது கனடா பிரதமர் ஜஸ்டின் ட்ரூடோ இரு தரப்பு உறவுகளைப் பற்றிய விவாதத்தில் ஈடுபட்டார். இந்த நிலையில் கனடா அரசு எங்களது அதிகாரிகளை ஆதாரம் இல்லாமல் கேவலப்படுத்துவதாகவும், கனடா மண்ணில் காலிஸ்தானி பயங்கரவாதத்தை கட்டுப்படுத்தத் தவறியதை நியாயப்படுத்த மோசமான வார்த்தைகளை பயன்படுத்துவதாகவும் இந்தியா பதிலடி கொடுத்துள்ளது. இந்நிலையில் இந்தியாவின் வெளியுறவுத் துறை ஆறு கனேடிய தூதர்களை வெளியேற்றுவதாக அறிவித்துள்ளது, குறிப்பாக திரு. ஸ்டீவர்ட் ரோஸ் வீலர், செயல் உயர் ஆணையர்; திரு. பேட்ரிக் ஹெபர்ட், துணை உயர் ஆணையர்; திருமதி. மேரி கேத்தரின் ஜோலி, முதல் செயலாளர்; திரு. இயன் ரோஸ் டேவிட் ட்ரைட்ஸ், முதல் செயலாளர்; திரு. ஆடம் ஜேம்ஸ் சூப்கா, முதல் செயலாளர்; மற்றும் திருமதி பவுலா ஓர்ஜுவேலா, முதல் செயலாளர். அதிகாரப்பூர்வ செய்திக்குறிப்பில் கூறப்பட்டுள்ளபடி, இந்த நபர்கள் அக்டோபர் 19, 2024 சனிக்கிழமை இரவு 11:59 மணிக்குள் அல்லது அதற்கு முன் இந்தியாவிலிருந்து வெளியேற வேண்டும் என அறிவித்தது. இதன் பழி நடவடிக்கையாக கனடாவும் ஆறு இந்திய தூதர்களை நாட்டை விட்டு வெளியேறுமாறு கூறியுள்ளது.
