உலக செஸ் சாம்பியன் குகேஷை நேரில் சந்தித்து பாராட்டிய ரஜினிகாந்த்.

சிங்கப்பூரில் நடைபெற்ற உலக செஸ் சாம்பியன் போட்டியில், தமிழக வீரர் குகேஷ் சீன வீரர் லிங்கை வீழ்த்தி சாம்பியன் பட்டத்தை வென்றார். 18 வயதில் உலக சாம்பியன் பட்டத்தை வென்ற இளம் வீரராக அவர் பெருமை பெற்றுள்ளார். இதற்குப் பிறகு, குகேஷுக்கு ஜனாதிபதி, பிரதமர், தமிழ்நாடு முதலமைச்சர் மற்றும் நடிகர் ரஜினிகாந்த் உள்ளிட்ட பல முக்கியமானவர்கள் வாழ்த்துகளை தெரிவித்தனர்.சென்னைக்கு திரும்பிய குகேஷுக்கு தமிழ்நாடு அரசு சார்பில் ஒரு பாராட்டு விழா நடத்தப்பட்டது. அந்த நிகழ்ச்சியில், முதலமைச்சர் மு.க.ஸ்டாலின் குகேஷுக்கு 5 கோடி ரூபாய்க்கான காசோலையை வழங்கினார். இந்த சூழலில், உலக செஸ் சாம்பியன் பட்டத்தை வென்ற குகேஷை அவரது இல்லத்திற்கு நேரில் அழைத்து நடிகர் ரஜினிகாந்த் பாராட்டியுள்ளார். மேலும், இந்த சந்திப்பின் போது, குகேஷிற்கு ஒரு புத்தகம் பரிசாக வழங்கியுள்ளார். இதற்கான புகைப்படங்களை குகேஷ் தனது இன்ஸ்டாகிராம் கணக்கில் பகிர்ந்துள்ளார்.