பி.எஸ்.எல்.வி. சி-60 ராக்கெட், வரும் 30ம் தேதி இரவு 9.58 மணிக்கு விண்ணில் பாயும் என இந்திய விண்வெளி ஆராய்ச்சி அமைப்பு (இஸ்ரோ) அறிவித்துள்ளது. ஆந்திர மாநிலம் ஸ்ரீஹரிகோட்டா என்ற இடத்தில் இருந்து இந்த ராக்கெட் விண்ணில் செல்கிறது. இதில் எஸ்.டி.எக்ஸ்.1 மற்றும் எஸ்.டி.எக்ஸ்.2 என்ற இரண்டு சிறிய செயற்கைக்கோள்கள், ஒவ்வொன்றும் 220 கிலோ எடையுடன், சுமந்து செல்லப்படுகின்றன. பூமியிலிருந்து 470 கி.மீ. உயரத்தில், இந்த செயற்கைக்கோள்கள் வெவ்வேறு சுற்றுவட்டப் பாதைகளில் நிலைநிறுத்தப்படும் எனவும், இதனை நேரில் காண விரும்பும் மக்கள் இன்று மாலை 6 மணி முதல் விண்ணப்பிக்கலாம் எனவும் இஸ்ரோ தெரிவித்துள்ளது. இஸ்ரோ, தனது கனவு திட்டமான ககன்யான் திட்டத்தை செயல்படுத்துவதில் தீவிரமாக ஈடுபட்டு வருகிறது, இது மனிதர்களை விண்வெளிக்கு அனுப்பும் நோக்கத்துடன் உள்ளது. 2035-ம் ஆண்டுக்குள் இந்தியாவின் விண்வெளி ஆய்வு மையத்தை நிறுவுவதற்கான திட்டம் முன்னேற்றமாக உள்ளது. இதற்கான முன்னணி திட்டமாக ஸ்பேஸ்-எக்ஸ் செயல்படுத்தப்படுகிறது, இதில் விண்கலன்களை ஒருங்கிணைக்கும் ஸ்பேஸ் டாக்கிங் செயல்பாடுகள் இடம்பெறும். இந்த சூழ்நிலையில், ஸ்பேஸ்-எக்ஸ் திட்டத்திற்காக பி.எஸ்.எல்.வி., சி 60 ராக்கெட், ஸ்ரீஹரிகோட்டா ஏவுதளத்தில் தயார் நிலையில் உள்ளது. இது நிலவின் ஆய்வுக்கு, ஆய்வு மாதிரிகளை பூமிக்கு திரும்ப அனுப்புவதற்கும், விண்வெளி ஆய்வு நிலையம் அமைக்கவும் உதவும் எனக் கூறப்படுகிறது. தனித்தனியான இரு விண்கலன்களை, விண்வெளியில் சென்று இணையச் செய்வதற்காக இந்த சோதனை வெற்றி பெற்றால், இதை சாதித்த நான்காம் நாடு என்ற பெருமை இந்தியாவுக்கு கிடைக்கும்.
