19 வயதுக்கு உட்பட்டோருக்கான ஆண்கள் உலகக்கோப்பை கிரிக்கெட் தொடர் நடைபெற்று வருகிறது. இந்த தொடரின் இறுதிப்போட்டி வரும் 11ஆம் தேதி நடைபெறவுள்ளது. இந்தத் தொடரின் சூப்பர் 6 சுற்றுகள் முடிவடைந்த நிலையில் இந்தியா, தென் ஆப்பிரிக்கா, ஆஸ்திரேலியா, பாகிஸ்தான் ஆகிய அணிகள் அரையிறுதி சுற்றுக்கு தகுதி பெற்றது.
இந்நிலையில் முதல் அரையிறுதிப் போட்டி முடிவடைந்தது. இதில் இந்தியா, தென் ஆப்பிரிக்கா அணிகள் விளையாடியது.
இதில் இந்தியா 2 விக்கெட்கள் வித்தியாசத்தில் வெற்றி பெற்று முதல் அணியாக இறுதிப்போட்டிக்கு தகுதி பெற்றுள்ளது. இந்நிலையில் இன்று இரண்டாவது அரையிறுதி போட்டியில் ஆஸ்திரேலியா, பாகிஸ்தான் அணிகள் விளையாடின. இப்போட்டியில் பாகிஸ்தானை 1 விக்கெட் வித்தியாசத்தில் வீழ்த்தி ஆஸ்திரேலியா இறுதிப் போட்டிக்கு முன்னேறியது. வரும் 11ம் தேதி நடைபெறும் இறுதிப் போட்டியில் ஆஸ்திரேலிய அணி, இந்திய அணியுடன் மோதுகிறது.
