நாடாளுமன்ற தேர்தலில் காங்கிரஸ் மூத்த தலைவர் ராகுல்காந்தி கேரள மாநிலம் வயநாடு மற்றும் உத்தரபிரதேச மாநிலம் ரேபரேலி தொகுதிகளில் போட்டியிட்டார். இரு தொகுதிகளிலும் அவர் மிகுந்த வெற்றியை பெற்றார். பின்னர், வயநாடு எம்.பி. பதவியை ராஜினாமா செய்யும் முடிவை ராகுல்காந்தி அறிவித்ததால், அந்த தொகுதிக்கு இடைத்தேர்தல் நடத்தப்பட வேண்டும் என அறிவிக்கப்பட்டது. இதன்படி, கடந்த 13-ந்தேதி வயநாடு தொகுதியில் இடைத்தேர்தல் நடைபெற்றது. இதில் காங்கிரஸ் வேட்பாளராக பிரியங்கா காந்தி, பா.ஜ.க. வேட்பாளராக நவ்யா அரிதாஸ் மற்றும் இடதுசாரி கூட்டணியில் மார்க்சிஸ்ட் கம்யூனிஸ்ட் வேட்பாளராக சத்யன் மெகோரி போட்டியிட்டனர். இந்த தேர்தலில், வயநாடு மக்களவை தொகுதியில் 4 லட்சத்திற்கும் அதிகமான வாக்குகள் வித்தியாசத்தில் பிரியங்கா காந்தி வெற்றி பெற்றார். பிரியங்கா காந்தி, போட்டியிட்ட முதல் தேர்தலிலேயே மிகுந்த வெற்றியை பெற்றார். கடந்த 28-ந்தேதி, அவர் மக்களவையில் வயநாடு தொகுதியின் எம்.பி.யாக பதவியேற்றார். அரசியலமைப்பு புத்தகத்தை கையில் ஏந்தியபடி, அவர் பதவியேற்றுக் கொண்டார், இதற்கான பதவிப்பிரமாணம் மக்களவை சபாநாயகர் ஓம் பிர்லா மூலம் வழங்கப்பட்டது. இந்நிலையில், இடைத்தேர்தலில் வெற்றி பெற்ற பிறகு, முதன்முறையாக எம்.பி. ஆக வயநாடு தொகுதிக்கு பிரியங்கா காந்தி இன்று வருகை தரவுள்ளார். அவர் மற்றும் ராகுல் காந்தி, வயநாடு தொகுதியில் நடைபெறும் பல்வேறு பொது நிகழ்ச்சிகளில் கலந்து கொள்கின்றனர். மேலும், தொடர்ந்துஅங்கு நடைபெறும் பொதுக்கூட்டத்தில் பிரியங்கா காந்தி கலந்து கொண்டு பேசவுள்ளதாக தகவல் வெளியாகியுள்ளது.
