பிரதமர் நரேந்திர மோடி டெல்லியில் இருந்து தனி விமானம் மூலம் பிரான்ஸ் மற்றும் அமெரிக்கா நோக்கி புறப்பட்டுள்ளார். அவர் வெளியிட்டுள்ள அறிக்கையில், “எனது அடுத்த சில நாட்களில் பிரான்ஸ் மற்றும் அமெரிக்காவில் நடைபெறும் பல்வேறு நிகழ்ச்சிகளில் நான் பங்கேற்க உள்ளேன். பிரான்ஸ் அதிபர் மக்ரோனின் அழைப்பின் அடிப்படையில், பிப்ரவரி 10 முதல் 12 வரை பிரான்சுக்குச் செல்லவுள்ளேன்” என குறிப்பிட்டுள்ளார். பாரிஸில் நடைபெறும் உலகத் தலைவர்களும், உலகளாவிய தொழில்நுட்ப தலைமை நிர்வாக அதிகாரிகளும் கலந்து கொள்ளும் AI உச்சிமாநாட்டில் இணை தலைமை வகிக்க நான் மிகுந்த ஆர்வத்துடன் காத்திருக்கிறேன். அங்கு, பொதுமக்களின் நன்மைக்காக AI தொழில்நுட்பத்தை ஒருங்கிணைந்த, பாதுகாப்பான மற்றும் நம்பகமான முறையில் அணுகுவதற்கான கருத்துகளை பரிமாறிக் கொள்ளும் வாய்ப்பு கிடைக்கும். எனது நண்பர் அதிபர் மக்ரோனுடன் நடைபெறும் இருதரப்பு பேச்சுவார்த்தை, இந்தியா-பிரான்ஸ் கூட்டாண்மைக்கான 2047 ஹாரிசன் எதிர்கால திட்டத்தின் முன்னேற்றத்தை மதிப்பீடு செய்யும் வாய்ப்பை வழங்குகிறது. வரலாற்று முக்கியத்துவம் வாய்ந்த பிரெஞ்சு நகரமான மார்செல்லியில் இந்தியாவின் முதல் துணை தூதரகத்தை தொடங்குவதற்கான ஏற்பாடுகளை நான் மேற்கொள்கிறேன்.பிரான்சிலிருந்து, அதிபர் டொனால்ட் ட்ரம்ப்பின் அழைப்பின் அடிப்படையில், நான் அமெரிக்காவுக்கு இரண்டு நாள் பயணமாகச் செல்கிறேன். வரலாற்றில் முக்கியமான தேர்தல் வெற்றியைப் பெற்ற ட்ரம்ப் பதவியேற்ற பிறகு, இது எங்கள் முதல் சந்திப்பாக இருக்கும். இந்தியா மற்றும் அமெரிக்கா இடையே ஒரு விரிவான உலகளாவிய கூட்டாண்மையை உருவாக்குவதில், அவரது முதல் பதவிக்காலத்தில் நாம் இணைந்து பணியாற்றியதை நான் பெரிதும் நினைவில் வைத்திருக்கிறேன்.நமது இரு நாடுகளின் மக்களின் பரஸ்பர நலனுக்காக, நாங்கள் இணைந்து செயல்பட்டு, உலகிற்கு சிறந்த எதிர்காலத்தை உருவாக்குவோம் என பிரதமர் கூறினார்.
