வரும் கல்வியாண்டு முதல் கருணாநிதி குறித்த பாடம் பள்ளி மாணவர்களின் பாடப்புத்தகத்தில் இடம்பெறவுள்ளது. தி.மு.கவின் முன்னாள் தலைவராக இருந்த கருணாநிதி சுமார் 70 ஆண்டுகள் தமிழக அரசியலின் மிக முக்கியமான தலைவராக இருந்துள்ளார். தமிழகத்தில் 5 முறை முதல்வராக இருந்தவர். தமிழ்நாட்டின் மிக நீண்ட காலம் முதல்வராக இருந்தவர் என்ற பெருமையையும் பெற்றவர் கருணாநிதி.
முதல்வராக இருந்ததைக் கடந்து எழுத்தாளராக தமிழுக்கு பல பங்காற்றியுள்ளார். குறிப்பாக, திருக்குறளுக்கு விளக்கவுரை எழுதியது அவருடைய பங்களிப்பில் முக்கியமானதாக கருதப்படுகிறது. இந்தநிலையில், வரும் கல்வியாண்டு முதல் கருணாநிதி குறித்த வரலாறு பள்ளி மாணவர்களின் பாடப்புத்தகத்தில் இடம்பெறவுள்ளது.
கருணாநிதி தமிழுக்கு ஆற்றிய பங்களிப்பு குறித்து பகுதி வரும் கல்வியாண்டு 9ம் வகுப்பு பாட புத்தகத்தில் இடம் பெற உள்ளது. செம்மொழியான தமிழ் மொழி என்கிற தலைப்பில் தமிழ் பாட புத்தகத்தில் கருணாநிதி தமிழ் மொழிக்கு ஆற்றிய பங்களிப்பு குறித்த பகுதி இடம் பெறுகிறது.
