லாஸ் ஏஞ்சல்ஸ் நகரில் பரவிவரும் காட்டுத்தீயால் உயிரிழந்தவர்களின் எண்ணிக்கை 11 ஆக உயர்ந்துள்ளது, மேலும் 50க்கும் மேற்பட்டோர் காயமடைந்துள்ளனர். அமெரிக்காவின் கலிபோர்னியா மாகாணத்தில் உள்ள ஹாலிவுட் நகரான லாஸ் ஏஞ்சல்ஸ், காட்டுத்தீயால் பாதிக்கப்படுகிறது. கடற்கரை பகுதியில் உள்ள வனப்பகுதியில் தீ பரவத் தொடங்கியது, மேலும் கடுமையான காற்றின் காரணமாக, தீ நகரின் பல்வேறு பகுதிகளுக்கு விரைவாக பரவுகிறது. தீயணைப்பு மற்றும் மீட்புக்குழுவினர் தீயை கட்டுப்படுத்துவதற்கான தீவிர முயற்சிகளை மேற்கொண்டு வருகின்றனர். இதற்கிடையில், காட்டுத்தீ குடியிருப்பு பகுதிகளை தாக்கி பரவிவருகிறது. வீடுகள் மற்றும் பிற கட்டிடங்கள் தீக்கிரையாகி வருகின்றன. காட்டுத்தீ காரணமாக சுமார் 1 லட்சம் மக்கள் பாதுகாப்பான இடங்களுக்கு செல்லுமாறு அறிவுறுத்தப்பட்டுள்ளனர். காட்டுத்தீயால் சுமார் 10 ஆயிரம் ஹெக்டேர் நிலப்பரப்பு முற்றிலும் அழிக்கப்பட்டுள்ளது.இந்நிலையில், லாஸ் ஏஞ்சல்ஸ் நகரில் வேகமாக பரவி வரும் காட்டுத்தீயால் பாதிக்கப்பட்டவர்களின் எண்ணிக்கை 11 ஆக உயர்ந்துள்ளது. மேலும், 50க்கும் மேற்பட்டோர் காயமடைந்துள்ளனர். காயமடைந்தவர்கள் மருத்துவமனையில் அனுமதிக்கப்பட்டு சிகிச்சை பெற்று வருகின்றனர். இந்த காட்டுத்தீயால் குறைந்தது 10,000க்கும் மேற்பட்ட வீடுகள், கட்டிடங்கள் மற்றும் பிற கட்டமைப்புகள் எரிதுள்ளதாக அதிகாரிகள் தெரிவித்துள்ளனர்.
