பாராலிம்பிக் விளையாட்டுத் தொடர் 2024, செப்டம்பர் 8 அன்று பரிஸ்லில் முடிவடைந்தது. இந்தியா வரலாற்றில் இல்லாத அளவுக்கு அதிகமான பதக்கங்களை வென்றுள்ளது. 2021-ல் நடைபெற்ற டோக்கியோ பாராலிம்பிக் போட்டியில் இந்தியா 19 பதக்கங்களை பெற்றிருந்தது, ஆனால் இந்த முறை 29 பதக்கங்களை வென்று சாதனை படைத்துள்ளது. இதன் மூலம், இந்தியா பதக்கப் பட்டியலில் 18-வது இடத்திற்கு முன்னேறியுள்ளது, இது பாராலிம்பிக் வரலாற்றில் இந்தியாவின் சிறந்த நிலை ஆகும். இந்தியா இந்த பாராலிம்பிக் தொடரில் 7 தங்கப் பதக்கம், 9 வெள்ளிப் பதக்கம் மற்றும் 13 வெண்கலப் பதக்கங்களை வென்றுள்ளது.
இந்த முறை இந்தியா பாரா வில்வித்தையில் ஒரு தங்கம் மற்றும் ஒரு வெண்கலப் பதக்கம் என இரண்டு பதக்கங்களை பெற்றுள்ளது. பாரா பேட்மிண்டனில் இந்தியா மொத்தம் ஐந்து பதக்கங்களை பெற்றுள்ளது, அதில் ஒரு தங்கம், இரண்டு வெள்ளி மற்றும் இரண்டு வெண்கலங்கள் உள்ளன. பாரா ஜூடோவில் இந்தியா ஒரு வெண்கலப் பதக்கம் பெற்றுள்ளது.பாரா துப்பாக்கி சுடுதல் போட்டியில் இந்தியா ஒரு தங்கம், ஒரு வெள்ளி மற்றும் இரண்டு வெண்கலப் பதக்கங்களை பெற்றுள்ளது, இதனால் மொத்தம் நான்கு பதக்கங்கள் கிடைத்தன. இந்த வெற்றிகள் இந்தியாவின் பாரா விளையாட்டுகளில் சிறந்த முன்னேற்றத்தை காட்டுகின்றன.
இந்தியா தடகளத்தில் வரலாறு காணாத அளவுக்கு 17 பதக்கங்களை வென்றுள்ளது. இதில் தங்கம், ஆறு வெள்ளி மற்றும் ஏழு வெண்கலங்கள் அடங்கும். மொத்தமாக 29 பதக்கங்களை பெற்ற இந்தியா 2024 பாராலிம்பிக் போட்டிகளில் 18 ஆவது இடத்தில் உள்ளது. பாராலிம்பிக் போட்டியில் அதிக பதக்கங்களைப் பெற்ற நாடுகளின் பட்டியலில் சீனா 94 தங்கம், 76 வெள்ளி, 50 வெண்கலம் என மொத்தம் 220 பதக்கங்களை வென்று முதல் இடத்திலும், கிரேட் பிரிட்டன் 49 தங்கம், 44 வெள்ளி, 31 வெண்கலம் என 124 பதக்கங்களை பெற்று இரண்டாம் இடத்திலும் அமெரிக்கா 36 தங்கம், 42 வெள்ளி, 27 வெண்கலம் என 105 பதக்கங்களை பெற்று மூன்றாம் இடத்தை பெற்றுள்ளது.