அமெரிக்காவின் கலிபோர்னியா மாகாணத்தில் ஒரு சக்திவாய்ந்த நிலநடுக்கம் ஏற்பட்டது, இது ரிக்டரில் 7.0 ஆக மதிப்பீடு செய்யப்பட்டது. இந்த நிலநடுக்கத்திற்குப் பிறகு, சுனாமி எச்சரிக்கை வெளியிடப்பட்டது, ஆனால் அது விரைவில் நீக்கப்பட்டது. இந்த நிலநடுக்கம் கலிபோர்னியாவின் வடக்கு பகுதியில் ஏற்பட்டது, குறிப்பாக கேப் மெண்டோசினா என்ற கடலோர பகுதியில் அதன் தாக்கம் அதிகமாக உணரப்பட்டது. இதனால், அப்பகுதியில் உள்ள மக்கள் அச்சத்தில் இருந்தனர், மேலும் கடலோர பகுதிகளில் வசிக்கும் மக்கள் உடனடியாக பாதுகாப்பான இடங்களுக்கு வெளியேற்றப்பட்டனர். இருப்பினும், சுனாமி எச்சரிக்கை சில நேரங்களில் வாபஸ் பெறப்பட்டது. முன்னதாக ஏற்பட்ட நிலநடுக்கத்தால் வீடுகளில் உள்ள பொருட்கள் அதிர்ந்துள்ளன. இதற்கான காட்சிகள் சமூக ஊடகங்களில் விரைவாக பரவிவருகின்றன.மக்களுக்கு தேவையான உதவிகளை வழங்குவதற்காக அவசர குழுவினர் நிலநடுக்கம் ஏற்பட்ட பகுதிகளுக்கு அனுப்பப்பட்டுள்ளதாக கலிபோர்னியா மாகாண அதிகாரிகள் தெரிவித்துள்ளனர். நிலநடுக்கத்தால் ஏற்பட்ட சேதங்கள் குறித்து இதுவரை எந்த தகவல்களும் கிடைக்கவில்லை.
